Tillaga að starfsleyfi fyrir móttöku og endurnýtingu á jarðvegs- og steypuúrgangi
Heilbrigðiseftirlitið hyggst veita Reitum fasteignafélagi hf., kt. 711208-0700 starfsleyfi til móttöku og endurnýtingu á óvirkum steypuúrgangi til fyllingar í Korputún (F233-1633), Mosfellsbæ í framhaldi af umsókn þar um.
Leyfið tekur til reksturs móttöku á úrgangi til endurnýtingar, þ.e. móttöku á hreinum og ómenguðum úrgangi þ.e. uppgreftri frá framkvæmdum við Kringluna 1 og járnhreinsaðri og ómengaðri steypu vegna fyrirhugaðrar endurnýtingar á efninu í fyllingar við Korputún sbr. ákvæði 5. gr. reglugerðar nr. 550/2018 um losun frá atvinnurekstri og mengunarvarnareftirlit.
Meðfylgjandi eru drög að starfsleyfinu.
Heimilt er að gera skriflegar athugasemdir við tillöguna innan fjögurra vikna frá birtingu þessarar auglýsingar. Þær skulu berast til heilbrigðiseftirlitsins á netfangið hef@heilbrigdiseftirlit.is.