Innköllun á þremur tegundum af MOMA hafragraut. Ástæða innköllunar er grunur um að mengun frá músum sé að finna í vörunni.
Karl K. Karlsson ehf. innkallar í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarness (HEF) þrjár tegundir af Moma Porridge Pot (hafragraut) vegna gruns um að mengun frá músum geti fundist í vörunni.
Innköllun einskorðast við neðan greindar lotur og best fyrir dagsetningar.
- Vörumerki: Moma
- Vöruheiti: Moma Golden Syrup Porridge Pot, Moma Cranberry og Raisins Porridge Pot og Moma Almond Butter & Salted Caramel Porridge Pot
- Framleiðandi: Moma Foods
- Framleiðsluland: Bretland
- Innflytjandi: Karl K. Karlsson ehf
- Nettó þyngd: 55-70g
- Strikanúmer: 5060146372046, 5060146370431, 5060146370714
- Geymsluskilyrði: Þurrvara
- Lotunúmer og best fyrir dagsetningar eftir tegundum.
Varna var seld í eftirtöldum verslunum: Hagkaup, Samkaup, Nettó, Kjörbúðum, Fjarðarkaup og Hlíðarkaup Sauðárkróki.
Þeir sem eiga umrædda vöru eru beðnir um að neyta hennar ekki og farga en einnig er hægt að skila henni í fyrrgreindar verslanir eða til Karls K. Karlssonar ehf, Víkurhvarfi 1, Kópavogi, gegn fullri endurgreiðslu.
Karl K. Karlsson biður viðskiptavini sína afsökunar á óþægindum sem þetta kann að valda.
Fyrir nánari upplýsingar er hægt að hafa samband í síma: 540-9000 eða senda tölvupóst á netfangið: soludeild@kallik.is
