Innköllun - Vanmerkt Dökkt sælkera páskaegg nr. 6 frá Freyju.
Freyja hefur innkallað Dökkt sælkera páskaegg nr. 6, innihald vörunar er ekki í samræmi við merkingar.
Freyja sælgætisgerð hefur, í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarness, stöðvað sölu og innkallað Dökk Sælkera páskaegg nr.6 vegna þess að innihald vörunnar er ekki í samræmi við merkingar. Varan er ekki hættuleg til neyslu en fyrir mistök innihélt sælgætisblandan inni í egginu eina tegund hlaups sem inniheldur litarefnin karmín, luteín og Brilliant blue FCF, auk gelatíns. Gelatín og karmín eru dýraafurðir og er varan því ekki vegan eins og lofað er á umbúðum.
Upplýsingar um vöru sem sölustöðvunin einskorðast við:
- Vörumerki: Freyja
- Vöruheiti: Dökkt vegan páskaegg.
- Geymsluþol: Allar dagsetningar
- Nettómagn: 340g
- Strikamerki: 5690545004202
- Framleiðandi: Freyja sælgætisgerð, Kársnesbraut 102-104
- Dreifing: Verslanir um allt land
Viðskiptavinir sem keypt hafa vöruna geta skilað í verslunina þar sem hún var keypt henni gegn fullri endurgreiðslu. Varan er ekki talin skaðleg neytendum og aðeins þessi eina tegund sælgætis inni í henni sem ekki er vegan.
Allar nánari upplýsingar veitir Freyja sælgætisgerð í s.540-4500 eða í gegnum netfangið freyja@freyja.is
