Heilbrigðiseftirlit tekur til hollustuhátta og mengunarvarna og ber heilbrigðisnefnd að vinna að bættu heilbrigðiseftirliti á svæði sínu, annast fræðslu fyrir almenning og efla samvinnu við önnur yfirvöld og aðila sem vinna að þessum málum. Með vísun til þessara markmiða er eftirlit, vöktun og fræðsla þeir grunnþættir sem unnið er út frá í þverfaglegu starfi stofnunarinnar. Fjárhagsáætlun og eftirlitsáætlun mynda ramma um starfsemi hvers árs en jafnframt er unnið að viðfangsefnum sem heilbrigðisnefnd ákveður til lengri eða skemmri tíma.

Heilbrigðisnefnd hélt 12 (13) fundi á árinu. Innan sviga eru tölur frá 2005. Samkvæmt fundagerðum komu 503 (534) dagskrárliðir til umfjöllunar. Mörg mál tengjast fleiri en einum málaflokk og koma til umræðu á fleiri en einum fundi.

Í eftirfarandi töflu hafa dagsskrárliðir verið greindir samkvæmt fjórum helstu málefnaflokkum sem starfsemi heilbrigðiseftirlitsins tekur til. Það eru helst starfsleyfi og umsagnir sem flokkast í fleiri en einn málefnaflokk. Sjá nánar fylgiskjal.

Almenn mál um hollustuhætti, málefni sem tengjast hollustuháttareglugerð, snyrtivörum, varasömum efnum, gæludýrahaldi, tóbaksvörnum o.þ.h.	291 (321)
Matvælamálefni	209 (100)
Umhverfismál	142 (149)
Rekstur heilbrigðiseftirlitsins og stjórnsýsla	50 (37)

Í lok árs 2006 voru á skrá heilbrigðiseftirlitsins 1265 staðir eða starfsemi sem á að lúta reglubundnu eftirliti og í eftirlitsáætlun ársins var reiknað með alls 1286 eftirlitsferðum tengdum slíkum rekstri. Farið var í 1274 eftirlitsferðir á árinu til þessara 1265 fyrirtækja og stofnana. Til viðbótar voru farnar 153 eftirlitsferðir vegna tilfallandi eftirlits og verkefna til eftirlitsstaða sem eru á skrá en lúta ekki reglubundnu eftirliti. Auk þess var farið í 151 (150) eftirlitsferðir á árinu þar sem í ljós kom að starfsemin var annað hvort hætt, starfsemin hafði breyst á þann veg að eftirlit ætti ekki lengur við eða tilkynnt var um síðar á árinu að starfseminni væri hætt. Heildarfjöldi eftirlitsferða vegna tiltekinnar starfsemi var alls 1578 á árinu.

Starfsleyfi í árslok í gildi hjá virkri starfsemi voru 1013 (1089) og 153 (135) starfsleyfi til viðbótar voru í vinnslu. Jafngildir það að 92% (91%) starfsleyfisskyldrar starfsemi væri með leyfi eða starfsleyfi í vinnslu. Markmiði um að yfir 95% væri með starfsleyfi eða starfsleyfi í vinnslu var því ekki náð.

Matvælaeftirlit

Um málaflokkinn gilda lög um matvæli nr. 93/1995 með síðari breytingum, og reglugerðir settar samkvæmt þeim. Tilgangur laganna er að tryggja, svo sem kostur er, gæði, öryggi og hollustu matvæla og að merkingar og aðrar upplýsingar um þau séu réttar og fullnægjandi.

Alls voru 110 umsóknir um starfsleyfi teknar til umfjöllunar. Í sumum tilvikum verður starfsleyfið einnig að taka til ákvæða í öðrum lögum og reglugerðum en matvælalögum:

44 (28) umsóknir fyrir nýja starfsemi

66 (57) umsóknir vegna endurnýjunar eða breytinga á rekstri.

Reglugerð um matvælaeftirlit og hollustuhætti við framleiðslu og dreifingu matvæla. Fjöldi umsókna um starfsleyfi flokkuð eftir starfsemi og staðsetningu 2006.

	Álftanes	Garðabær	Hafnarfjörður	Kópavogur	Alls.
Vinnslur		1	2	3	6
Verslanir		3	4	12	19
Veitingastaðir		2	19	21	42
Mötuneyti	2	4	13	19	38
Annað			1	4	5
Alls	2	10	39	59	110

Umsögn var gerð til Alþingis vegna lagafrumvarps um matvælarannsóknir.

Umsögn var veitt til Umhverfisstofnunar um framkvæmd matvælaeftirlits og um lista yfir matvælafyrirtæki sem háð skulu starfsleyfi.

Veitingastaðir eru flokkaðir sem matvælafyrirtæki en slík starfsemi á að hafa starfsleyfi samkvæmt hollustuháttareglugerð og matvælalögum:

25 (15) beiðnir um umsagnir bárust vegna umsókna um leyfi til áfengisveitinga.

52 (26) beiðnir um umsagnir bárust vegna umsókna um skemmtana- og veitingaleyfi.

Heilbrigðisfulltrúi hefur starfað í samstarfshópi heilbrigðiseftirlitssvæðanna og Umhverfisstofnunar um matvælaeftirlit. Í samstarfshópnum er rædd framkvæmd og skipulagning eftirlitsverkefna ásamt samræmingu matvælaeftirlits milli eftirlitssvæða.

Hópurinn kom saman þrisvar á árinu. Auk þess stóð Umhverfisstofnun fyrir tveimur fræðslufundum með heilbrigðiseftirlitinu um væntanlegar reglur samkvæmt EES samningi.

Það hefur verið markmið að taka virkan þátt í samræmdum eftirlitsverkefnum sem hægt er að tengja starfsemi í umdæminu.

Samstarfsverkefni sem unnið var að á árinu voru eftirfarandi:

- Örveruástand fiskafurða, september- október 2006.

- Sjálfsafgreiðsla í smásöluverslunum 2006. Könnun á hreinlæti í og við sjálfsafgreiðslustaði/-standa og búnað.

- Úttekt á innihaldsefnum, merkingu og markaðssetningu fæðubótarefna, mars – apríl 2006.

- Örveruástand á unnum kjötvörum 2006.

- Örverufræðilegt ástand á osta 2006

Skýrslur vegna þessara verkefna hafa verið teknar saman og eru birtar á heimasíðu Umhverfisstofnunar. Ekki var tekið þátt í tveimur verkefnum haustið 2006.

Sérstök verkefni vegna matvælaeftirlits í umdæminu á árinu voru:

- Þrifasýni í eldhúsum leikskóla og hjúkrunarheimila.

- Örveruástand í ís úr vél yfir sumarmánuði.

Fjöldi matvælafyrirtækja á skrá í lok árs 2006 voru 435 (370). Eftirlitsferðir í fyrirtæki sem framleiða eða dreifa matvöru voru í eftirlitsáætlun ársins 768 (714). Skráðar eftirlitsferðir urðu alls 697 (748) samkvæmt flokkun í eftirfarandi töflu. Eftirlitsferðir í fyrirtæki og stofnanir sem hættu rekstri á árinu eru ekki meðtaldar í þessum tölum. Vakin er athygli á að eftirlit vegna tóbaksvarna, mengunarvarna og sölu á vörum sem innihalda hættuleg efni fer samhliða fram hjá þeim fyrirtækjum þar sem það á við.

Matvælareglugerðir

Fjöldi staða 31.12. 2006, áætlaður fjöldi eftirlitsferða og skráðar eftirlitsferðir.

	Framleiðsla, pökkun	Heildsala, flutningur	Stór-eldhús	Smásala	Annað	Vatns-veitur	Alls
Fj. staða 31.12.2006	50	29	247	84	18	7	435
Fj. áætlaðra eftirlitsferða	76	23	415	186	14	45	759
Fj. eftirlitsferða	88	23	330	206	8	42	697

Í liðnum annað eru fjölnota íþróttahús, minniháttar matvæladreifing í sérvöruverslunum o.þ.h.

Kvartanir og ábendingar frá almenningi vegna matvæla voru 51(49) á árinu. Einkum voru kvartanirnar tengdar meðferð matvæla 12 (18), hugsanlegum matarsýkingum 5 (6), innihaldsmerkingum 4 (4) og hreinlæti 23 (13).

Þar sem tóbakssala fer aðallega fram í verslunum og söluturnum sem selja matvæli og í veitingahúsum er gerð grein fyrir þeim þætti hér í skýrslunni. Endurnýjuð voru 10 (43) leyfi til smásölu á tóbaki samkvæmt ákvæðum tóbaksvarnalaga og veitt 6 (5) ný tóbakssöluleyfi. Þann 31.12.2006 voru smásölustaðir tóbaks alls 71 (70) í umdæminu. Samkomustaðir 21 og verslanir 50.

Á árinu 2006 voru 7 (7) kvartanir skráðar vegna tóbaksmálefna. Í 5 (2) tilvikum var kvartað undan reykingum en 2 (5) kvartanir tengdust annars vegar sölu til unglinga eða að ungmenni væru látin afgreiða tóbak. Við könnun fjölskyldusviðs Hafnarfjarðarbæjar kom fram að unglingum var selt tóbak hjá 7 útsölustöðum og var haft samband við þá söluaðila um úrbætur.

Hollustuhættir

Starfleyfisumsóknir þar sem eftirlit byggist á ákvæðum hollustuháttareglugerðar voru 152. Í sumum tilvikum er í starfsleyfi einnig vísað til annarra laga og reglugerða:

56 (74) umsóknir fyrir nýja starfsemi.

96 (100) umsóknir vegna endurnýjunar eða breytinga á rekstri.

Meðhöndlun og dreifing matvæla á sér stað í sumum fyrirtækjum sem flokkast hér s.s. í skólum, leikskólum, sjúkrahúsum, vistheimilum og félagsmiðstöðvum. Veitingastaðir sem þurfa að hafa starfsleyfi samkvæmt hollustuháttareglugerð og matvælalögum eru einnig flokkaðir sem matvælafyrirtæki. Þar sem tóbakssala fer nær eingöngu fram í veitingahúsum og verslunum sem selja matvæli er gerð grein fyrir þeim þætti í kafla um matvæli. Vegna kröfu um mengunarvarnabúnað við tannlæknastóla eru tannlæknastofur flokkaðar bæði vegna hollustuhátta og mengunarvarna.

Hollustuháttareglugerð

Fjöldi umsókna um starfsleyfi, flokkuð eftir starfsemi og staðsetningu 2006.

	Álftanes	Garðabær	Hafnarfjörður	Kópavogur	Alls.
Gisti-, veitinga- og samkomustaðir	1		23	22	46
Snyrtistofur hvers konar		2	13	11	26
Heilbrigðis- og meðferðarstofn.			6	8	14
Daggæsla, leikvellir, skólar, leikskólar kennslustaðir	1	5	7	18	31
Íþróttastarfsemi	1		2	1	4
Verslun		7	8	13	28
Annað		1	2		3
Alls	3	15	61	73	152

Umsögn var gerð til Alþingis vegna lagafrumvarps um tóbaksvarnir, reykingabann.

Umhverfisráðuneytis voru veittar 8 umsagnir. Í 7 tilvikum vegna beiðna um undanþágu frá ákvæðum reglugerðar um hollustuhætti sem bannar að fara með hund inn á meðferðastofnanir og í einu tilviki vegna beiðni um undanþágu frá því að setja upp salernisaðstöðu aðgengilega hreyfihömluðum í hjólastól.

Veitt var umsögn til úrskurðarnefndar samkvæmt lögum um hollustuhætti og mengunarvarnir vegna stjórnsýslukæru vegna meints reksturs hárgreiðslustofu án starfsleyfis.

Umsagnir voru gerð til Hafnarfjarðarbæjar um drög að lögreglusamþykkt og tillögu að reglum um málsmeðferð við veitingu leyfa til áfengisveitinga.

Veittar voru þrjár umsagnir vegna gistileyfa til Sýslumannsins í Hafnarfirði.

Almennar kvartanir voru 308 (268). Flestar eða 194 (161) voru vegna farartækja sem skilin voru eftir í misjöfnu ástandi á almannafæri og voru nálægum íbúum til ama eða leiðinda.

Starfsmenn þjónustumiðstöðva sveitarfélaganna hafa jafnframt afskipti af nokkrum hundruðum bifreiða án númera. Á árinu voru skráð slík afskipti af 845 (750) bifreiðum o.þ.h. hlutum sem skildir hafa verið eftir á almannafæri. Sveitarfélögin neyddust til að láta fjarlægja 262 bifreiðar sem skyldar hafa verið eftir í hirðuleysi á almannafæri.

Einnig bar nokkuð á kvörtunum undan slæmri ásýnd lóða eða í 35 (45) tilvikum og vegna sorps og úrgangsmála 44 (36) kvartanir. Í tveimur síðast töldu flokkunum er margar kvartanir vegna starfsemi sem að fellur ekki undir almennt eftirlit heilbrigðisnefndar að öðru leyti. 11 kvartanir bárust vegna óþæginda vegna bifreiða á númerum en slík mál falla sjaldnast að verksviði heilbrigðiseftirlitsins

Um áramótin 2006-2007 voru á skrá 1571(1459) hundur í umdæmi heilbrigðisnefndar. Um fjölgun hunda er að ræða frá árinu áður en hafa verður í huga að leiðréttingar berast oftast upp úr áramótum um afskráningar. Kvörtunum vegna hunda og hundahalds er haldið aðgreindum frá öðrum kvörtunum vegna dýrahalds og hollustuháttamála. Alls bárust 243 (177) kvartanir vegna hunda á árinu. Aðal umkvörtunarefnið var í flestum tilvikum lausaganga hunds eða í 147 (125) tilvikum. 8 (12) mál voru til meðferðar á árinu vegna árásar hunds á fólk þar sem lögregluskýrsla hafði verið gerð um atvik.

Kvartanir vegna hollustuháttamála voru 177 (167). Flestar voru vegna dýrahalds eða flækingsdýra (47), meindýra 31 (23), varasamra efna 33 (7), þá vegna óþæginda frá eða óþrifnaðar við rekstur fyrirtækja eða þjónustu 17 (29) og íbúðarhúsnæðis 12 (11).

Heilbrigðisfulltrúi sótt námskeið í Kaupmannahöfn um eftirlit með sundlaugum og rekstri opinberra baðstaða og fór og kynnti sér framkvæmd eftirlits með leiklóðum hjá sveitarfélaginu Helsingør.

Á vegum Umhverfisstofnunar og heilbrigðiseftirlits sveitarfélaga störfuðu tveir vinnuhópar á sviði hollustuháttamála. Hollustuháttahópur og efnavöruhópur. Heilbrigðiseftirlitið leggur til einn starfmann í hvorn hóp.

Í vinnuhóp um hollustuhætti eru unnar tillögur að samræmdum verklagsreglum, leiðbeiningum og starfsleyfisskilyrðum. Hópurinn kemur saman að jafnaði mánaðarlega fyrir utan sumarið. Jafnframt hefur starfshópurinn árlega kynnisferð til að samræmingar á framkvæmd eftirlits milli svæða.

Í efnavöruhóp er rætt um eftirlit með eiturefnum og hættulegum efnum og vörum sem innihalda slík efni og ýmis framkvæmd og skipulagning samstarfs- og eftirlitsverkefna á þeim málum undirbúin. Jafnframt er af hálfu hópsins tekið þátt í norrænu samstarfi vegna eftirlits með þessum málum. Efnavöruhópurinn kemur saman 8 til 10 sinnum á ári.

Það hefur verið markmið að taka virkan þátt í samræmdum eftirlitsverkefnum sem hægt er að tengja starfsemi í umdæminu.

Samstarfsverkefni sem unnið var að á árinu á vegum Umhverfisstofnunar og eftirlitssvæðanna voru eftirfarandi:

- Könnun í grunnskólum á vanmerktum efnavörum,

- Sjálfsafgreiðsla í smásöluverslunum 2006. Könnun á hreinlæti í og við sjálfsafgreiðslustaði og búnað.

Auk þess var samstarf á höfuðborgarsvæðinu um verkefni tengt gæðum og framkvæmd sótthreinsunar í hitaofnum og gufuofnum, hjá nokkrum hópum fyrirtækja í heilbrigðisþjónustu og hjá fótaðgerðastofum.

Búfjáreftirlit samkvæmt ákvæðum laga um búfjárhald er í umsjón heilbrigðiseftirlitsins. Við talningu búfjár samkvæmt 12. gr. búfjárhalds nr. 103/2002 voru vorið 2006, rúmlega 12300 (12300) alifuglar, 4042 (3878) hross og 227 (333) sauðfjár.

Tíðni reglubundins eftirlits til fyrirtækja í þessum flokki er algengust ein eftirlitferð á ári. Til fyrirtækja í nokkrum flokkum eru þó áætlaðar fleiri ferðir og allt að fimm eftirlitsferðir til stórra sundstaða. Einnig er eftirlitstíðni ein eftirlitsferð á tveggja til fjögurra ára fresti í nokkrum tilvikum. Eftirlitsferðir vegna fyrirtækja og stofnana í þessum flokki voru áætlaðar í eftirlitsáætlun (531). Skráðar eftirlitsferðir urðu alls 352 (567) samkvæmt eftirfarandi flokkun. Eftirlitsferðir í fyrirtæki og stofnanir sem hættu rekstri á árinu eru ekki meðtaldar.

Hollustuháttareglugerð

Fjöldi staða 31.12.2006, áætlaður fjöldi eftirlitsferða og skráðar eftirlitsferðir.

	Fegrunar- og snyrti-starfsemi	Verslun, varasöm efni	Gisti-starfsemi	Fræðsla-, íþróttir og menning	Heilbrigðis-þjónusta	Annað	Alls
Fj. staða 31.12.2006	113	70	12	156	96	26	473
Fj. áætlaðra eftirlitsferða	75	44	18	194	56	47	468
Fj. eftirlitsferða	47	22	13	183	81	6	352

Til fegrunar og snyrtistarfsemi telst hársnyrting, snyrtistofur, nudd, ljósastofur, húðflúr og húðgötun.

Heildsala og smásala á vörum sem innihalda eiturefni og hættuleg efni og er flokkuð sem verslun með merkingaskylda efnavöru. Matvöruverslanir sem selja slíkar vörur eru aðeins skráðar í töflu um matvælaeftirlit.

Gististaðir, skólar og félagsaðstaða þar sem matvælum er dreift flokkast bæði m.t.t. hollustuháttaeftirlits og matvælaeftirlits.

Læknastofur, heilsugæsla, sjúkrahús, sjúkraþjálfun, endurhæfing, fótaaðgerðastofur og tannlæknastofur eru skráðar sem heilbrigðisþjónusta.

Veitingastaðir og mötuneyti eru flokkaðir sem matvælafyrirtæki.

Umhverfiseftirlit

Alls 89 (97) umsókn um starfsleyfi var til meðferðar, þar sem eftirlit byggist á ákvæðum í mengunarvarnareglugerðum. Í sumum tilvikum er í starfsleyfi einnig vísað til annarra laga og reglugerða:

53 (53) umsóknir fyrir nýjar starfsemi.

26 (36) umsóknir vegna endurnýjunar.

10 (8) fyrir tímabundna starfsemi.

Reglugerð um starfsleyfi fyrir atvinnurekstur sem getur haft í för með sér mengun og reglugerð um varnir gegn olíumengun frá starfsemi í landi. Fjöldi umsókna um starfsleyfi flokkuð eftir starfsemi og staðsetningu 2006.

	Álftanes	Garðabær	Hafnarfjörður	Kópavogur	Alls.
Bílgrein		5	16	12	33
Efnaiðnaður, prentun og framköllun		1	7	3	11
Fiskvinnsla			3		3
Málmiðnaður og verkstæði		3	9	2	14
Trésmíðaverkstæði			1	3	4
Tannlæknastofur			1	3	4
Jarðefna, steinvinnsla og einingaverksmiðja		0		1	1
Annað			7	2	9
Alls		9	44	26	79
Tímabundin starfsemi*		3	2	5	10*

*Í umboði nefndarinnar voru auk þess veitt nokkur leyfi fyrir brennur, flugeldasýningu, niðurrif á húsum og smærri framkvæmdir.

Umsagnir voru gerðar til:

Umhverfisráðuneytis um drög að reglugerð um varnir gegn mengun hafs og stranda.

Kópavogsbæjar um:

skipulag í Hnoðraholti og Rjúpnahæð.
landmótunar og frágangs gamallar námu í Lækjarbotnum.
skotvöll ofan Lækjarbotna

Hafnarfjarðarbæjar um:

aðalskipulag og skipulag í Krýsuvík.
framkvæmdir við hreinsun strandlengjunnar
endurskoðun á staðardagsskrá 21
deiliskipulag í Undirhlíðum

Garðabæjar um:

aðalskipulag.

Sveitarfélagsins Álftaness um:

aðalskipulag

Skipulagsstofnunar vegna undirbúnings eða mats á umhverfisáhrifum fyrir:

Krýsuvíkurveg frá Reykjanessbraut að Hraunhellu
Nýbýlaveg
Reykjanessbraut frá Ásbraut að Krýsuvíkurvegi. Matsáætlun
gerð vatnsveitu í Vatnsendaheiði

Sýslumannsins í Hafnarfirði vegna fælinga á mávum, tveggja bílaleigu fyrirtækja og einnar bílasölu.

Heilbrigðisnefnd fór í vettvangsferð til móttökustöðvar Sorpu bs í Gufunesi og á förgunarstað byggðasamlagsins í Álfsnesi.

Lóðahreinsun á einstökum lóðum og svæðum er stöðugt verkefni sem skilar oftast tímabundnum árangri. Fyrri reynsla hefur sýnt að slæm umgengni á athafnasvæðum hefur sterka tilhneigingu til að leita aftur í sama farið. Ástæður þessa hafa oft verið skýrðar með óljósri tilfinningu umráðaaðila fyrir ábyrgð sinni og hægagangi uppbyggingu og frágangi atvinnusvæða.

Framkvæmdastjórn um vatnsvernd á höfuðborgarsvæðinu hélt 8 fundi á árinu 2006 og tók fyrir 24 mál. Um er að ræða bæði erindi og samræmingu á störfum eftirlits. Framkvæmdastjórnin gerir skýrslu um störf sín. Fundagerðir framkvæmdastjórnarinnar eru teknar til umræðu á fundum heilbrigðisnefndar.

Heilbrigðisfulltrúi sótti fimmtu norræðnu neysluvatnsráðstefnuna sem haldin var í Reykjavík 8. til 10. júní 2006.

Eftirtalin vöktunarverkefni voru í gangi á árinu:

- mælingar á mengun í skurðum, lækjum og vötnum til undirbúnings flokkun ferskvatns sbr. ákvæði reglugerðar nr. 796/1999 og til að finna hugsanlegar rangtengingar fráveitu.

- mælingar á áhrifum mengunar skólps við og á ströndum.

- mælingar á loftgæðum á Hvaleyrarholti. Þar eru gerðar sólarhringsmælingar á brennisteinstvíildi, flúor og ryki.

Lokið var mengunarflokkun Urriðakotsvatns og efri hluta Stórakrókslækjar í Garðabæ og birt um verkefnið skýrsla.

Með vísun til ákvæða reglugerðar um hávaða nr. 933/1999, með síðari breytingum var fjallað þrisvar um heimild til notkunar fráviks frá almennum viðmiðunarreglum fyrir nýbyggingarsvæði í eldri byggð eða endurnýjun byggðar sem fyrir er.

Óskir aukast frá almenningi um nauðsyn þess að bregðast við hávaða frá starfsemi og umferð. Á síðast liðnum tveimur árum hafa þannig 11 slík mál verið í skoðun vegna umferðarhávaða.

Heilbrigðisfulltrúi sótti ráðstefnu í Danmörku á árinu um dreifingu hávaða frá umferð og kynnti sér hjá sveitarfélaginu Helsingør, framkvæmd mælinga og meðferð erinda vegna kvartana um óþægindi vegna hávaða í íbúðarhúsnæði frá starfsemi í nágrenninu.

Kvartanir sem skráðar eru sem mengun voru 120 (76). Þar af 108 (65) vegna ákveðinna fyrirtækja. Flestar voru vegna malbikunarframleiðslu 31, en sem fyrr nokkrar vegna ólyktar við fiskþurrkun eða 22 (19) en aðrar kvartanir dreifðust á ýmiss konar starfsemi. Kvartanir eða ábendingar um mengunarslys og óhöpp voru 2 (4). Þá sinnti Slökkvilið höfuðborgarsvæðisins mengunarslysum og óhöppum til viðbótar sem ekki eru í þessum tölum og sama gildir um fáein tilvik þar sem viðkomandi fyrirtæki tilkynntu um mengunarslys eða óhapp og unnið var að lausn í samráði við heilbrigðiseftirlit.

Í ljósi vandamála vegna malbikunarframleiðslu kynnti heilbrigðisfulltrúi sér mengunarvarnir við slíka starfsemi í nágrenni Kaupmannahafnar.

Tíðni reglubundins eftirlits til fyrirtækja í þessum flokki er algengust ein eftirlitsferð á ári. Til fyrirtækja í ákveðnum flokkum bílgreinar eru þó áætlaðar tvær ferðir. Eftirlitsferðir vegna fyrirtækja og stofnana í þessum flokki voru í eftirlitsáætlun 433. Skráðar eftirlitsferðir urðu alls 364 samkvæmt eftirfarandi flokkun. Eftirlitsferðir í fyrirtæki og stofnanir sem hættu rekstri á árinu eru ekki meðtaldar.

Mengunarvarnaeftirlit

Fjöldi staða 31.12.2006. áætlaður fjöldi eftirlitsferða og skráðar eftirlitsferðir

	Málm og bílgrein	Efna- og timburiðn.	Fiskvinnsla	Jarðefna-vinnsla	Annað	Samtals
Fj. staða 31.12.2006	274	125	23	16	32	470
Fj. áætlaðra eftirlitsferða	264	9	35	18	27	433
Fj. eftirlitsferða	248	52		11		364

Fjármál

Kostnaði er haldið aðgreindum vegna heilbrigðis- og mengunarvarnaeftirlits annars vegar og eftirlits með hundahaldi hins vegar. Í fjárhagsáætlun var gert ráð fyrir að sértekjur næmu um 64% af rekstrarkostnaði við heilbrigðis- og mengunarvarnaeftirlit og að um 36% kostnaðar yrði mætt með beinu framlagi af sveitarfélögunum. Í sértekjum eru allar tekjur s.s. vegna þjónustuverkefna, eftirlitsgjalda, starfsleyfigjalda, vottorða o.þ.h. Allur kostnaður vegna eftirlits með hundahaldi á að greiðast af sértekjum. Í niðurstöðutölum rekstrareiknings árið 2006 eru sértekjur vegna heilbrigðis- og mengunarvarnaeftirlits kr. 39.776.247 (34.504.059) eða um 67,9% (68,8%) af rekstrarkostnaði við þann þátt rekstursins. Kostnaður vegna eftirlits með hundahaldi var á árinu kr. 14.126.441 (12.118.195) og tekjur kr. 13.574.824 (12.791.975).

Í meðfylgjandi töflu eru samburðartölur milli áranna 2001, 2002, 2003, 2004, 2005 og 2006 vegna heilbrigðis- og mengunarvarnaeftirlits. Íbúatölur er sömu og við uppgjör ársreiknings.

Samanburður á fjölda fyrirtækja, stöðugilda, kostnaði, kostnaði pr. íbúa, kostnaði pr. fyrirtæki og kostnaði pr. stöðugildi árin 2001, 2002, 2003, 2004, 2005 og 2006.

	Íbúafjöldi.	Fyrirtæki og stofnanir (starfsleyfisskyld)	Stöðu-gildi.	Heildar kostnaður kr.	Kostnaður pr. íbúa kr.	Kostnaður pr. fyrirtæki kr.	Kostnaður pr. stöðu kr.
2006	60525	1265	7,2	58.605.054	968	46.328	8.139.591
2005	58786	1361	7,2	56.753.001	965	41.699	7.882.361
2004	57323	1448	7,2	53.215.493	928	36.751	7.391.041
2003	56096	1320	7,2	52.429.008	935	39.719	7.281.802
2002	54642	1287	7	50.355.292	922	39.126	7.193.613
2001	52764	1286	7	41.196.547	781	32.035	5.885.221

Í meðfylgjandi töflu er samanburðartölur áranna 2002, 2003, 2004, 2005 og 2006 vegna eftirlits með hundahaldi. Árið 2002 var stórum hluta eftirlits sinnt í tímavinnu og miðast fjöldi stöðugilda við áætlað vinnuframlag.

Samanburður á fjölda skráðra hunda, stöðugilda, kostnaði, kostnaði pr. íbúa, kostnaði pr. hund og kostnaði pr. stöðugildi árin 2002, 2003, 2004, 2005 og 2006.

	Íbúafj.	Fjöldi hunda	Stöðu-gildi	Heildar kostnaður kr.	Kostnaður pr. íbúa kr.	Kostnaður pr. hund kr.	Kostnaður pr. stöðu kr.
2006	60525	1571	1,8	14.126.441	233	8992	7.848.023
2005	58786	1459	1,8	12.118.195	206	8306	6.732.331
2004	57323	1295	1,8	11.723.208	205	9053	6.512.893
2003	56096	1162	1,8	10.536.719	188	9068	5.853.733
2002	54642	1106	2	10.326.215	189	9337	5.163.108

5. mars 2007

Guðmundur H. Einarsson.

Fylgiskjal

		Lög um meðferð úrgangs nr.	Lög um matvæli nr.	Lög um hollustuhætti og mengunarvarnir nr. 7/1998
Tegund rekstrar	Fjöldi umsókna			Reglugerð um hollustuhætti	Reglugerð um sund- og baðstaði	Reglugerð um atvinnurekstur sem valdið getur mengun	Reglugerð um varnir gegn olíumengun frá starfsemi í landi
Bensínafgreiðsla með eða án verslunar	6		2	2		6	6
Bílgrein	28					28
Daggæsla í heimahúsum og gæsluvöllur	3		2	3
Gisti- og samkomustaðir	4			4
Fiskvinnsla	3					3
Heilbrigðisstofnanir	6			6
Íþróttastöðvar, sund og baðstaðir	4			4	2
Trésmíðaverkstæði	3					3
Efnaiðnaður	11					11
Einingarverksmiðja	1					1
Málmiðnaður	15					15
Matvælavinnsla	7		7	1
Meðferð úrgangs	3	3				3
Meindýraeyðing	2			2
Snyrtistofur, nuddstofur, verslun með fegrunar- og snyrtivörur og önnur sambærileg starfsemi	32			32
Skemmtigarður	2		1	2		2
Stóreldhús og samkomustaður	80		80	76
Verslun með vörur sem innhalda hættuleg efni með eða án matvæla	30		17	13
Vistarverur fanga	1			1
Tannlæknastofur	6			6		5
Tímabundin starfsemi	9					9
Vatnsból	1		1
Ýmislegt	4					4
Samtals	261	3	110	152	2	91	8